Рекламный баннер 990x90px bantop
Ийэ тыл, сурук-бичик күнүгэр анаммыт үтүө үгэскэ кубулуйбут “Ийэ тыл - этигэн кэрэтэ” улуустааҕы бэстибээл олунньу 17 күнүгэр И
05:26 20.02.2026 16+
Ийэ тыл, сурук-бичик күнүгэр анаммыт үтүө үгэскэ кубулуйбут “Ийэ тыл - этигэн кэрэтэ” улуустааҕы бэстибээл олунньу 17 күнүгэр И.М. Яковлев аатынан Бокуруоскай №1 орто уопсай үөрэхтээһин оскуолатыгар буолан ааста .“Ийэ тыл - этигэн кэрэтэ” улуустааҕы бэстибээл 2012 сылтан саҕалаан быйыл 15 төгүлүн ыытылынна. Бэстибээл ааптарынан буолар өр сыл үөрэҕирии салаатыгар таһаарыылаахтык үлэлээбит, кыраайы үөрэтээччи, Скрябина Капиталина Гаврильевна.
Бэстибээли тэрийээччилэр: «Хаҥалас улууһа» МТ үөрэҕин салаата, Хаҥалас улууһун саха тылын, литэрэтиирэтин учууталларын холбоһуга, «Хаҥалас улууһа» МТ култуураҕа уонна духуобунаска салаата. Кыттааччылар улуус оскуолаларын 5-11 кылаастарын үөрэнээччилэрэ, учууталлара, педагог-библиотекардар, төрөппүттэр.
Быйылгы бэстибээлгэ Хаҥалас улууһун 19 оскуолатыттан 271 үөрэнээччи кыттыыны ылла. Үөрэнээччилэр 16 түһүмэхтээх араас ис хоһоонноох күрэскэ күөн көрүстүлэр. Бу күн оҕолуун-уруулуун бука бары сахалыы таҥастаах кэлэр буолан, саха таҥаһын дьэрэкээн көстүүтэ манна буолар.
Бэстибээли арчылаах алгыһынан «Арчы Дьиэтэ» норуот духуобунай киинин дириэктэрэ Саха өрөспүүбүлүкэтин култууратын туйгуна Харитонова Л.В. арыйда. Алгыс оһуокайынан түмүктэнэн. Оҕо аймах уонна учууталлар араас түһүмэхтээх күрэстэргэ тарҕаһан, тыҥааһыннаах күөн көрсүүлэрэ саҕаланар.
Бэстибээлбит 3 хайысхалаах:
I. «Ийэ тылбыт этигэн кэрэтэ»;
II. «Олоҥхо өлбөт үйэлээх»;
III. «Ыһыах түһүлгэтэ».
Бэстибээлбит сүрүн уратытынан буолар уол оҕону иитиигэ, уһуйууга болҕомтону ууруу. «Уолан ааҕыылара» күрэскэ уолаттар кытталлар. Бу күрэс биир тиһиктээх буолан оҕолор сылтан сыл уопутуран өйтөн ааҕар дьоҕурдара тупсар. Ол курдук быйылгы сылга «Уолан ааҕыыларыгар» кыайыылаахтарынан буоллулар. Орто сүһүөххэ 1 м. Сулейманов Дима, 6 кылаас, С.П. Барашков аатынан Хачыкаат орто уопсай үөрэхтээһин оскуолата, улахан сөһүөххэ 1 м. Еремеев Аман, 10 кылаас, 2 Малдьаҕар орто уопсай үөрэхтээһин оскуолата кыайыыны ситистилэр. Бөлөҕүнэн ааҕыыга орто сүһүөххэ А.В. Дмитриев аатынан орто уопсай үөрэхтээһин оскуолатын, 5 «б» кылааһын үөрэнээччилэрэ, улахан бөлөххө 2 Малдьаҕар уоланнарын бөлөҕө кыайыылаах буоллулар. «Өркөн өй», «Аман өс» курэстэр сылын аайы бэрт үрдүк таһымҥа ааһалларын бэлиэтиэххэ сөп.
Норуот тылынан уус-уран айымньытын көрүҥнэригэр оһуокайга, тойукка, чабырҕахха, олоҥхону билиигэ, олоҥхону толорууга күөн көрсөллөр. «Олоҥхоһут оҕолор» күрэскэ биирдиилээн толорууга 2 Малдьаҕар орто уопсай үөрэхтээһин оскуолатын, 8 кылаас үөрэнээччитэ, Слепцов Богдан, бөлөҕүнэн толорууга «Арыы оҕолоро», 7 кылаас уоланнара, 3 Малдьаҕар орто уопсай оскуолатын үөрэнээччилэрэ кыайыы өрөгөйүн биллилэр. Чабырҕах күрэһэр А.В. Дмитриев аатынан Ой орто уопсай үөрэхтээһин оскуолатын бөлөҕө таҕыста. «Тойук туонатыгар» кыайыылааҕынан Рафаилова Диана, 7 кылаас үөрэнээччитэ, И.М. Яковлев аатынан Бокуруоскай куорат №1 орто уопсай үөрэхтээһин оскуолата ааттанна.
Маны таһынан сахалыы остуол оонньуутугар тыҥааһыннаах киирсииллэр буоллулар.
Быйылгы сылга икки саҥа сүүрээни киллэрбиппит. Кэпсээн түһүлгэтин уонна Күн оҕолор түмсүүлэрэ видеоролик курэһин тэрийдибит. Кэпсээн түһүлгэтэ кэтэхтэн ыытыллыбыта, 12 үлэ киирбититтэн, И.М. Яковлев аатынан Бокуруоскай куорат №1 орто уопсай үөрэхтээһин оскуолатын кыайа-хото кытыннылар. Кэпсээнньит оҕолор күрэскэ Софронов Артур, 8 кылаас үөрэнээччитэ, 2 Дьөппөн орто оскуолата, «Төрөөбүт тылга айан», Севостьянова Уйгулаана, 8 кылаас, Бокуруоскай куорат 1 орто оскуолата, «Кинигэ туһунан остуоруйата» уонна Лебедева Оксана, 11 кылаас, 2 Дьөппөн орто үөрэхтээһин оскуолата кыайыылаах тахсан, барыбытын үөртүлэр. «Күн» оҕо холбоһуктарын үөрэнээччилэригэр аналлаах «Ийэ тылбытын харыстыаҕыҥ» видеоролик куонкуруһугар 1 миэстэни А.В. Дмитриев аатынан Ой орто уопсай үөрэхтээһин оскуолатын, 8 «б» кылаас үөрэнээччилэрэ тэҥнээхтэрин булбатылар.
Дьэ ити курдук, Хаҥалас кэлэр кэскилэ сылын аайы «Ийэ тыл – этигэн кэрэтэ» бэстибээлгэ тоҕуоруһа мустан кыайыы өрөгөйүн билэн, үөрэн-көтөн эһиилгэ диэри тарҕаһаллар. «Сахалыы саҥа сатараатын, саха омук сайыннын...».
Бэстибээли тэрийээччилэр: «Хаҥалас улууһа» МТ үөрэҕин салаата, Хаҥалас улууһун саха тылын, литэрэтиирэтин учууталларын холбоһуга, «Хаҥалас улууһа» МТ култуураҕа уонна духуобунаска салаата. Кыттааччылар улуус оскуолаларын 5-11 кылаастарын үөрэнээччилэрэ, учууталлара, педагог-библиотекардар, төрөппүттэр.
Быйылгы бэстибээлгэ Хаҥалас улууһун 19 оскуолатыттан 271 үөрэнээччи кыттыыны ылла. Үөрэнээччилэр 16 түһүмэхтээх араас ис хоһоонноох күрэскэ күөн көрүстүлэр. Бу күн оҕолуун-уруулуун бука бары сахалыы таҥастаах кэлэр буолан, саха таҥаһын дьэрэкээн көстүүтэ манна буолар.
Бэстибээли арчылаах алгыһынан «Арчы Дьиэтэ» норуот духуобунай киинин дириэктэрэ Саха өрөспүүбүлүкэтин култууратын туйгуна Харитонова Л.В. арыйда. Алгыс оһуокайынан түмүктэнэн. Оҕо аймах уонна учууталлар араас түһүмэхтээх күрэстэргэ тарҕаһан, тыҥааһыннаах күөн көрсүүлэрэ саҕаланар.
Бэстибээлбит 3 хайысхалаах:
I. «Ийэ тылбыт этигэн кэрэтэ»;
II. «Олоҥхо өлбөт үйэлээх»;
III. «Ыһыах түһүлгэтэ».
Бэстибээлбит сүрүн уратытынан буолар уол оҕону иитиигэ, уһуйууга болҕомтону ууруу. «Уолан ааҕыылара» күрэскэ уолаттар кытталлар. Бу күрэс биир тиһиктээх буолан оҕолор сылтан сыл уопутуран өйтөн ааҕар дьоҕурдара тупсар. Ол курдук быйылгы сылга «Уолан ааҕыыларыгар» кыайыылаахтарынан буоллулар. Орто сүһүөххэ 1 м. Сулейманов Дима, 6 кылаас, С.П. Барашков аатынан Хачыкаат орто уопсай үөрэхтээһин оскуолата, улахан сөһүөххэ 1 м. Еремеев Аман, 10 кылаас, 2 Малдьаҕар орто уопсай үөрэхтээһин оскуолата кыайыыны ситистилэр. Бөлөҕүнэн ааҕыыга орто сүһүөххэ А.В. Дмитриев аатынан орто уопсай үөрэхтээһин оскуолатын, 5 «б» кылааһын үөрэнээччилэрэ, улахан бөлөххө 2 Малдьаҕар уоланнарын бөлөҕө кыайыылаах буоллулар. «Өркөн өй», «Аман өс» курэстэр сылын аайы бэрт үрдүк таһымҥа ааһалларын бэлиэтиэххэ сөп.
Норуот тылынан уус-уран айымньытын көрүҥнэригэр оһуокайга, тойукка, чабырҕахха, олоҥхону билиигэ, олоҥхону толорууга күөн көрсөллөр. «Олоҥхоһут оҕолор» күрэскэ биирдиилээн толорууга 2 Малдьаҕар орто уопсай үөрэхтээһин оскуолатын, 8 кылаас үөрэнээччитэ, Слепцов Богдан, бөлөҕүнэн толорууга «Арыы оҕолоро», 7 кылаас уоланнара, 3 Малдьаҕар орто уопсай оскуолатын үөрэнээччилэрэ кыайыы өрөгөйүн биллилэр. Чабырҕах күрэһэр А.В. Дмитриев аатынан Ой орто уопсай үөрэхтээһин оскуолатын бөлөҕө таҕыста. «Тойук туонатыгар» кыайыылааҕынан Рафаилова Диана, 7 кылаас үөрэнээччитэ, И.М. Яковлев аатынан Бокуруоскай куорат №1 орто уопсай үөрэхтээһин оскуолата ааттанна.
Маны таһынан сахалыы остуол оонньуутугар тыҥааһыннаах киирсииллэр буоллулар.
Быйылгы сылга икки саҥа сүүрээни киллэрбиппит. Кэпсээн түһүлгэтин уонна Күн оҕолор түмсүүлэрэ видеоролик курэһин тэрийдибит. Кэпсээн түһүлгэтэ кэтэхтэн ыытыллыбыта, 12 үлэ киирбититтэн, И.М. Яковлев аатынан Бокуруоскай куорат №1 орто уопсай үөрэхтээһин оскуолатын кыайа-хото кытыннылар. Кэпсээнньит оҕолор күрэскэ Софронов Артур, 8 кылаас үөрэнээччитэ, 2 Дьөппөн орто оскуолата, «Төрөөбүт тылга айан», Севостьянова Уйгулаана, 8 кылаас, Бокуруоскай куорат 1 орто оскуолата, «Кинигэ туһунан остуоруйата» уонна Лебедева Оксана, 11 кылаас, 2 Дьөппөн орто үөрэхтээһин оскуолата кыайыылаах тахсан, барыбытын үөртүлэр. «Күн» оҕо холбоһуктарын үөрэнээччилэригэр аналлаах «Ийэ тылбытын харыстыаҕыҥ» видеоролик куонкуруһугар 1 миэстэни А.В. Дмитриев аатынан Ой орто уопсай үөрэхтээһин оскуолатын, 8 «б» кылаас үөрэнээччилэрэ тэҥнээхтэрин булбатылар.
Дьэ ити курдук, Хаҥалас кэлэр кэскилэ сылын аайы «Ийэ тыл – этигэн кэрэтэ» бэстибээлгэ тоҕуоруһа мустан кыайыы өрөгөйүн билэн, үөрэн-көтөн эһиилгэ диэри тарҕаһаллар. «Сахалыы саҥа сатараатын, саха омук сайыннын...».
Оставить сообщение: