Рекламный баннер 990x90px bantop
Киһи кэрэттэн кэрэни сөбүлүүр, таптыыр. Саха омуга урут – уруккуттан тарбаҕар талааннаах, ураты кэрэни айан таһаарар, көрөр, кэрэхсиир дьоҕурдаах омук буолар.
05:48 24.03.2026 16+
Киһи кэрэттэн кэрэни сөбүлүүр, таптыыр. Саха омуга урут – уруккуттан тарбаҕар талааннаах, ураты кэрэни айан таһаарар, көрөр, кэрэхсиир дьоҕурдаах омук буолар.
Кулун тутар 20 күнүгэр "Ситим" култуура киинигэр "Кэрэ сэбэрэ – кэрэ аҥар сөбүлүүр дьарыга» диэн дефиле киэһэтэ буолан ааста.
Саха таҥаһын мааныга, аныгылыы моһуоннаах, күннээҕи олоххо аналлаах таҥастары, көмүс тарбахтаахтар баай фантазияларыгар олоҕуран айан таһаарааччылар Күөрдэм нэһилиэгиттэн Саргылаана Борисова, Раиса Эверстова, Варвара Константинова, Покровскай куораттан Светлана Мальцева, Анна Аргунова, Төхтүр нэһилиэгиттэн Александра Петрова, Дьокуускай куораттан "Кыталыына" кэрэ аҥар түмсүүтэ, киһи эрэ тутан-хабан, кэтэн, симэнэн көрүөҕүн баҕарар олус кэрэ сахалыы, аныгылыы киэргэллэри, оҕуруонан араас ньыманы баһылаабыт, кэрэ симэхтэри айааччылар Юлия Прокопьева, Олеся Александрова уонна кэрэ түгэни үйэтитээччи, айылҕа уонна олох түгэнин «тохтотор», мэтириэт гынан таба көрөн хаартыскаҕа түһэрээччи дьарыктаах Каролина Федорова кэрэни айан таһаарар ураты көрүүлээх, дьоҕурдаах, илиилэригэр талба талааннаах, көмүс тарбахтаах кэрэ мааны далбар хотуттар ыалдьыттаатылар, хас биирдии кыттааччы бэйэтин, дьарыгын туһунан кэлбит көрөөччүлэргэ билиһиннэрдэ, кэпсээтэ.
Бу киэһэ кэлбит көрөөччүлэр хас биирдии кыттааччыны ытыс күүстээх тыаһынан көрүстэ, олус сэргээн, хайҕаан, харахтарын сымнатан, "Ситим" вокальнай ансаамбыл ырыатын дуоһуйа истэн тарҕастылар.
Дойдубут мааны далбар хотуттара, төрүт үгэстэргитин умнумаҥ, тулаҕыт оһуор тэҥэ буоллун, талааҥҥыт арылла турдун, талба буоллун! Сытыы хараххыт сыппаабатын, имигэс тарбаххыт сылайбатын, айар дьоҕургут уҕараабатын, кэрэни кэрэхсииргит киэркэйэ турдун, дьол – саргы эҥээрдэстин, сахалыы таҥастаах, симэхтээх элбээтин!
Кулун тутар 20 күнүгэр "Ситим" култуура киинигэр "Кэрэ сэбэрэ – кэрэ аҥар сөбүлүүр дьарыга» диэн дефиле киэһэтэ буолан ааста.
Саха таҥаһын мааныга, аныгылыы моһуоннаах, күннээҕи олоххо аналлаах таҥастары, көмүс тарбахтаахтар баай фантазияларыгар олоҕуран айан таһаарааччылар Күөрдэм нэһилиэгиттэн Саргылаана Борисова, Раиса Эверстова, Варвара Константинова, Покровскай куораттан Светлана Мальцева, Анна Аргунова, Төхтүр нэһилиэгиттэн Александра Петрова, Дьокуускай куораттан "Кыталыына" кэрэ аҥар түмсүүтэ, киһи эрэ тутан-хабан, кэтэн, симэнэн көрүөҕүн баҕарар олус кэрэ сахалыы, аныгылыы киэргэллэри, оҕуруонан араас ньыманы баһылаабыт, кэрэ симэхтэри айааччылар Юлия Прокопьева, Олеся Александрова уонна кэрэ түгэни үйэтитээччи, айылҕа уонна олох түгэнин «тохтотор», мэтириэт гынан таба көрөн хаартыскаҕа түһэрээччи дьарыктаах Каролина Федорова кэрэни айан таһаарар ураты көрүүлээх, дьоҕурдаах, илиилэригэр талба талааннаах, көмүс тарбахтаах кэрэ мааны далбар хотуттар ыалдьыттаатылар, хас биирдии кыттааччы бэйэтин, дьарыгын туһунан кэлбит көрөөччүлэргэ билиһиннэрдэ, кэпсээтэ.
Бу киэһэ кэлбит көрөөччүлэр хас биирдии кыттааччыны ытыс күүстээх тыаһынан көрүстэ, олус сэргээн, хайҕаан, харахтарын сымнатан, "Ситим" вокальнай ансаамбыл ырыатын дуоһуйа истэн тарҕастылар.
Дойдубут мааны далбар хотуттара, төрүт үгэстэргитин умнумаҥ, тулаҕыт оһуор тэҥэ буоллун, талааҥҥыт арылла турдун, талба буоллун! Сытыы хараххыт сыппаабатын, имигэс тарбаххыт сылайбатын, айар дьоҕургут уҕараабатын, кэрэни кэрэхсииргит киэркэйэ турдун, дьол – саргы эҥээрдэстин, сахалыы таҥастаах, симэхтээх элбээтин!
Оставить сообщение: