Рекламный баннер 990x90px bantop
Биир кэлим (комплекснай) кадастровай үлэ
09:04 14.03.2025 16+
2025 сылга биир кэлим (комплекснай) кадастровай үлэ: ханна уонна кимнээх ыыталларый, сир учаастагын бас билээччи тугу билиэхтээҕий?
Биир кэлим (комплекснай) кадастровай үлэ (ККР) Биир кэлим хамсаабат баай судаарыстыбаннай эридьиэһин (ЕГРН) чахчы уонна чуолкай информацияннан толорор дьоһуннаах ньыма буолар. Маннык үлэлэр сыл аайы дойду үгүс регионнарын хабаллар, сир учаастактарын уонна хамсаабат баай эбийиэктэрин кыраныыссалараси чуолкайдаммыт бырыһыаннара улаатар. Бу үлэлэри ким толорорун ырытан көрүөхпүт, ону тэҥэ 2025 сылга күүһүгэр киирбит сокуоннарга ураты болҕомтону ууруохпут.
Биир кэлим кадастровай үлэни ыытыы сүрүн түһүмэҕэ.
ККР хаамыыта хас да сүрүн түһүмэхтэн турар:
Үлэ саҕаланыытын туһунан биллэрии. Олохтоох салайыныы органнара, РФ субъектарга ситэриилээх былаас органнара уонна Росреестр бэйэлэрин официальнай сайттарыгар ККР толоруутун саҕалыыр туһунан иһитиннэриилэри таһаараллар. Бу докумуоннарга кадастровай кыбартааллар испииһэктэрэ, кадастровай инженердэр дааннайдара, ону тэҥэ үлэлэри ыытыы болдьоҕо ыйыллар.
Информацияны хомуйуу. ККР толорооччулар хамсаабат баай эбийиэктэрин оннуларыгар хаалларар туһунан ис хоһоонноох докумуоннары хомуйаллар. Оннук докумуоннарынан дьиэлэр техническэй паспордара, сирр межевой былааннара, судаарыстыбаннай акталар уонна да атын докумуоннар буолуохтарын сөп.
Хонуу үлэтин ыытыы. Кадастровай инженердэр сир учаастактарын уонна капитальнай тутуу объектарын кыраныыссаларын чуолкайдыырга геодезическай тэриллэринэн устуулары оҥороллор, кэккэ түгэннэргэ миэстэтигэр уөһэттэн устар көтөр аппараттары туһаналлар.
Территория карта-былаанын бырайыагын ырытыы уонна бэлэмнээһин. Хонуу үлэтэ бүппүтүн кэннэ кадастровай инженердэр кээмэй дааннайдарын ырыталлар, түмүллүбүт докумуоннары кытта тэҥнииллэр уонна территория хаарта-былаанын бырайыагын бэлэмнииллэр. Бу докумуон хамсаабат баай эбийиэктэрин чуолкай координаттарын уонна иэннэрин судаарыстыбаннай эридьиэскэ киллэриэхтээх.
Утарсыыны дьүүллэһии. Хамсаабат баай эбийиэктэрин бас билээччилэргэ территория хаарта-былаанын бырайыагын үөрэтиигэ бэлиэтээһиннэр үөскээтэхтэринэ, олохтоох салайыныы органнарыгар тэриллибит сөбүлэһиннэрэр хамыыһыйаҕа киллэриэхтэрин сөп. Хамыыһыйа киирбит суруктары барытын көрөр, үөрэтэр уонна территория хаарта- былаанын бырайыагар уларытыылары киллэрэр туһунан быһаарыыны ылынар.
Территория хаарта-былаанын бигэргэтии. Территория хаарта- былаанын барылын ырытыы кэнниттэн олохтоох салайыныы органа хаарта- былааны бутэһик барылын бигэргэтэр, Росреестрга туһааннаах уларытыылары киллэрэргэ ыытар.
Биир кэлим кадастровай үлэни ким толорор?
Хамсаабат баай эбийиэктэрин чуолкайдыыр үлэлэри кадастровай үлэни ыытар анал үөрэхтээх, көҥүллээх чааһынай предпринимателлэр, юридическай сирэй үлэһиттэрэ эбэтэр Роскадастр публичнай правовой компания филиалын үлэһиттэрэ түһэрсиллибит дуогабарынан (сөбүлэһииннэн) толоруохтарын сөп.
Сир учаастактарын бас билээччилэргэ туһаайыллыбыт түгэннэр
ККР хаамыытыгар кыттыы. Сири бас билээччилэр ККР толоруутун хаамыытыгар кыттыы, илиилэригэр баар докумуоннары тиксэрии уонна сөбүлэһиннэрэр хамыыһыйа мунньахтарыгар кыттыы ККР түмүгун ыларга суолтатын өйдүөхтээхтэр, ол судабас билэр эбийиэктэрин кыраныыссаларын быһаарыыга туох да сыыһа- халты, итэҕэс суох буоларыгар олук буолар.
Учаастакка киирии. Сокуон хамсаабат баай эбийиэктэрин судаарыстыбаннай кадастровай учуот үлэтин толорооччуларга тустаах кээмэйдэри ыытарга эбээһинэстиир, ол иьин сири бас билээччилэр кадастровай инженердар эбийиэктэри кээмэйдии кэллэхтэринэ хааччахтыа суохтаахтар.
Интэриэстэрин көмүскээһин. ККР түмүгунэн бас билээччи бырааба кэһиллэр тугэнигэр суут нонуо туруорсар бырааптаах. Ол эрээри, сөбүлэһиннэрэр хамыыһыйа мунньаҕын түһүмэҕэр бары мөккүөрдээх түгэннэри бириэмэтигэр быһаарсан, бэрээдэктиирэ ордук судургу.
Докумуоннар уонна информация. Сир бас билээччи киниэхэ баар бас билиини туоһулуур докумуоннарын ККР толорооччуларга көрдөрө биэрэрэ наадалаах, эбийиэгэ Биир кэлим хамсаабат баай судаарыстыбаннай эридьиэһигэр киирбэтэх да буоллаҕына. Быраабы, учуоту бигэргэтэр докумуоннар ККР толорооччуларга баар буоллахтарына кадастровай учуокка туруорууну, уларытыы киллэрэри түргэтэтиэҕэ, ону тэҥэ эрдэ кадастровай учуокка турбатах эбийиэктэри Биир кэлим хамсаабат баай судаарыстыбаннай эридьиэһигэр киллэрэргэ көмөлөһүөҕэ.
Информацияланыы. Ситэриилээх былаас, олохтоох салайыныы органнарын официальнай сайтыгар уонна Росреестр сайтыгар эһиги хамсаабат баайгыт-дуолгут ККР үлэтин чэрчитинэнэн киирбитин, хаьан бүтэрин, түьүмэхтэрин кэтээн көрөргут бэйэҕитигэр улахан суолталаах.
2025 с. сокуоҥҥа уларытыы
2025 сылга ККР сүрүннүүр сокуоҥҥа дьоһуннаах уларыйыылар киллэриллибиттэрэ. Биир сүрүн саҥа уларыйыыннан федеральнай суолталаах биир кэлим кадастр үлэтин өйдөбүлэ буолар. Бу үлэлэр ситэриилээх былаас органын уонна Роскадастр публичнай правовой компания икки ардыларыгар түһэрсиллэр сөбүлэһиигэ олоҕуран толорулларынан уратыланар.
Уларытыы сүрүн өрүттэрэ:
Территорияны талыы бэрээдэгэ. Федеральнай суолталаах ККР ыытар былааннанар кадастровай кварталлар испииһэктэрэ РФ субъектарын ситэриилээх былааһын органнарын уонна Роскадастр публичнай правовой компания этиилэригэр олоҕуран быһаарыллар. Талыллар критерийдэри РФ Правительствота быһаарар.
Информационнай иһитиннэриилэр. Ситэриилээх былаас федеральнай органа, ККР үлэтин ыытыыга эппиэттинэстээх. Былааннаммыт үлэлэр тустарынан информационнай иһитиннэрии интернеккэ бэйэтин официальнай сайтыгар туруоруохтаах, таарыллыбыт кадастровай кварталлар испииһэктэрин уонна үлэ туолуутун сабаҕаланар болдьохторун киллэриэхтээх.
Сири бас билэээччилэргэ биллэрии. Роскадастр публичнай правовой компания хамсаабат баай эбийиэктэр бас билээччилэригэр ККР үлэтэ саҕаламмытын туһунан иһитиннэрэр эбээһинэстээх. Иһитиннэриини электроннай почта аадырыстарынан эбэтэр Биир кэлим портал нөҥүө электроннай көрүҥүнэн ыыталлар. Бу иһитиннэриини хамсаабат баайы бас билээччилэр эрэ ылыахтара, электроннай аадырыстара Биир кэлим хамсаабат баай судаарыстыбаннай эридьиэһигэр киирбит буоллаҕына.
Сөбүлэһиннэрэр хамыыһыйа тэриллиитэ. Сөбүлэһиннэрэр хамыыһыйа састаабыгар ситэриилээх былаас федеральнай органын, субъекка ситэрилээх былаас, бэйэни салайыныы органнарын бэрэстэбиитэллэрэ, ККР улэтигэр эппиэтинэстээх улэһиттэр киирэллэр. Бу хамыыһыйа улэ хаамыытын хонтуруоллааһыны үрдэтиигэ уонна бары өрүттэр интэриэстэрин тутуһууну хааччыйыыга оҥоһуллар.
Территория хаарта-былаана. Роскадастр публичнай правовой компания хаарта-былааны бигэргэтэр туһугар олохтоох салайыныы туһааннаах органыгар утаарар. Бигэргэтиллибит хаарта-былааны Росреестрга Биир кэлим хамсаабат баай судаарыстыбаннай эридьиэһигэр киллэриигэ ыытар.
Саҥа олоххо киирбит сокуон уларытыылара барыта биир кэлим кадастровай үлэни ыытыы көдьүүһүн уонна дьэҥкэтик көстүүтүн үрдэтиигэ, ону тэҥэ хамсаабат баай эбийиэктэрин бас билээччилэр бырааптарын уонна интэриэстэрин көмүскээьиҥҥэ туһуламмыттар.
Биир кэлим кадастровай үлэлэр Биир кэлим хамсаабат баай судаарыстыбаннай эридьиэһигэр чахчылары саҥардар туһугар сүрүн оруолу толорор. Бу хаамыыга кыттыы сир мөккүөрүн уонна юридическай кыһалҕалары инникитин көрсубэт туһугар сир учаастактарын бас билээччилэригэр көмөлөһөр. ККР үлэтэ ыытыллар кэмигэр бары туһүмэххэ хас биирдии бас билээччи ККР толорооччулары кытта бииргэ үлэлэһэрэ улахан суолталаах.
Оставить сообщение: