Рекламный баннер 990x90px bantop
Өбүгэ ситимин салҕыыр Бөртө Далбар хотуннара
06:12 25.03.2025 16+
Өбүгэ ситимин салҕыыр Бөртө Далбар хотуннара
Газета "Хаҥалас" ("Хангалас")
Айар быыстапка
Соторутааҕыта Покровскайга «Арчы дьиэтэ» норуот айымньытын киинигэр II Малдьаҕар нэһилиэгин «Көмүлүөк» түмсүү кыттыылаахтара Лилия Данилова уонна Римма Трофимова «Өбүгэ ситиминэн» айар быыстапкалара арылынна.
Талба талааннаах иистэнньэҥнэри билиһиннэрэр буоллахха, иккиэн Улахан Аан олохтоохторо, иллээх-эйэлээх ыал ийэлэрэ, эбээлэрэ. Римма Еремеевна 38 сыл тыа хаһаайыстыбатыгар үлэлээн баран сынньалаҥҥа олорор, Лилия Самуиловна Ньурба Чуукаарыттан төрдүлээх, зоотехник идэлээх эрээри 30-тан тахса сыл Улахан Ааннааҕы учаастактааҕы балыыһаҕа үлэлээбит. Ыаллыы олорор дьүөгэлэр бочуоттаах сынньалаҥҥа тахсаннар дьэ быыстанан-бириэмэлэнэн айар үлэ абылаҥар ылларбыттар. Ол курдук, Римма Трофимова 2017 сылтан иискэ саҥа сыстыбыт эбит. Билигин кыбытык тигиинэн утумнаахтык дьарыктанар. Кини үлэлэрин көрөн киһи эрэ сөҕөр-махтайар: таҥас кырадаһыныттан хайдахтаах курдук иэннээх үлэлэри оҥорон таһаарар эбитий! Лилия Данилова түүлээхтэн оҕолоругар уруккуттан иистэнэр эбит эрээри, кэлин ордук кылынан-сиэлинэн өрүүгэ охтубут. Кини сапсыыкалара, сэлээппэлэрэ, дэйбиирдэрэ, онтон да атын оҥоһуктара, оҕуруонан тиспит киэргэллэрэ хайа да быыстапкаҕа туруох курдук уратылар, кэрэлэр. Икки иистэнньэҥ нэһилиэк иһинээҕи «Көмүлүөк» эбээлэр түмсүүлэригэр киирэннэр аны дьүөгэлэрин иискэуһуйбуттар. Номнуо кэлэктиибинэн кыбытык ньыманан тикпит дириҥ ис хоһоонноох, төрөөбүт нэһилиэктэригэр анаммыт графическай истииллээх дьоһуннаах паннолаахтар. Аны туран, Риммалаах Лилия оҕуруотчут мааныларын, хаһаайка бэртэрин, общественник көхтөөхтөрүн туһунан бу бэлиэ күн мустубут дьүөгэлэрэ, аймахтара, биир дойдулаахтара бэлиэтээн эттилэр.
Бөртөлөр сылгы куттаахпыт дэнэллэр, манна өрөспүүбүлүкэҕэ биллэр сылгы собуота баар, Дьөһөгөйгө анаммыт түмэл арыллан үлэлиир. Бу түмэл арыллаатын кытта Римма Трофимова ат толору симэҕин тигэн бэлэхтээбитин түмэли салайар Парасковия Максимова махтана кэпсээтэ. Бу күн улуус култуураҕа уонна духуобунай сайдыыга салалтатын начаалынньыга Сергей Павлов дьүөгэлиилэри бастакы айар быыстапкаларынан эҕэрдэлээн туран «Хаҥалас улууһун норуотун маастара» бэлиэни үөрүүлээх быһыыга-майгыга туттарда. Дьэ мантан куорсун анньынан,Римма Трофимова уонна Лилия Данилова айар аартыктара арыллан, аны өрөспүүбүлүкэ, дойду таһымнаах быыстапкаларга эрэллээхтик хардыылыахтара, бэйэлэрин үлэлэрин киэҥ биһирэбилгэ таһаарыахтара дии саныыбын. Тоҕо диэтэр, чугас дьонноро, биир дойдулаахтара бу талба талаан дьиэ уонна нэһилиэк эрэ иһинэн куутуйаланыа суохтаах, дьон-сэргэ көрүөхтээх, билиэхтээх, ону эрэнэ күүтэбит диэн биир киһи курдук эттилэр, далбар хотуттарга сорук курдук туруордулар.
Биир дойдулаахтарын нэһилиэктэрин баһылыга Александр Алексеев, «Арчы дьиэтэ» норуот айымньытын киинин салайааччыта Лидия Харитонова, «Бөртө» дьахтар сэбиэтин салайар Татьяна Лукина, “Аан Аартык” Култуура киинин дириэктэрэ Валентина Голокова, Анна Гоголева, бу соторутааҕыта «Саха өрөспүүбүлүкэтин норуотун маастара»үрдүк ааты ылбыт Светлана Павлова уо.д.а. эҕэрдэлээтилэр. «Көмүлүөк» түмсүү кыттыылаахтара тэрээһини ылбаҕай ырыаларынан киэргэттилэр, салайааччылара Вера Македонова дьүөгэлэр ааттарыттан Эҕэрдэ сурук, бэлэх туттарда. Римма Трофимова бииргэ төрөөбүттэрэ кэлэн эҕэрдэлээтилэр, убайа Петр Саввинов баяҥҥа доҕуһуоллаан, ыллаан ааста. Олус истиҥ, сэргэх тэрээһин түмүгэр бу күн «буруйдаахтара» Арчы дьиэтигэр анаан 15 миэтэрэ уһуннаах туостан томторуктаах, ыаҕыйалаах ситии хатан бэлэхтээтилэр.
Таарыйа эттэххэ, күн бүгүн Улахан Ааҥҥа общественнай түмсүүлэр олус көхтөөхтүк үлэлии олороллор. Кинилэр түмсэллэригэр, айалларыгар-туталларыгар саха балаҕана наада диэн туруорсубуттара ыраатта. Онон, бу да күн ол баҕаларын баһылыктарыгар санаттылар. Александр Степанович бу күннэргэ Чурапчы улууһугар уопут атастаһа, чуолаан, саха балаҕанын аныгылыы тутуутун билсэ барабын, ол айан кэннэ биир сүбэнэн нэһилиэкпитигэр балаҕан тутуутун саҕалыахпыт диэн бигэтик эрэннэрдэ.
Ольга Гермогенова.
Газета "Хаҥалас" ("Хангалас")
Айар быыстапка
Соторутааҕыта Покровскайга «Арчы дьиэтэ» норуот айымньытын киинигэр II Малдьаҕар нэһилиэгин «Көмүлүөк» түмсүү кыттыылаахтара Лилия Данилова уонна Римма Трофимова «Өбүгэ ситиминэн» айар быыстапкалара арылынна.
Талба талааннаах иистэнньэҥнэри билиһиннэрэр буоллахха, иккиэн Улахан Аан олохтоохторо, иллээх-эйэлээх ыал ийэлэрэ, эбээлэрэ. Римма Еремеевна 38 сыл тыа хаһаайыстыбатыгар үлэлээн баран сынньалаҥҥа олорор, Лилия Самуиловна Ньурба Чуукаарыттан төрдүлээх, зоотехник идэлээх эрээри 30-тан тахса сыл Улахан Ааннааҕы учаастактааҕы балыыһаҕа үлэлээбит. Ыаллыы олорор дьүөгэлэр бочуоттаах сынньалаҥҥа тахсаннар дьэ быыстанан-бириэмэлэнэн айар үлэ абылаҥар ылларбыттар. Ол курдук, Римма Трофимова 2017 сылтан иискэ саҥа сыстыбыт эбит. Билигин кыбытык тигиинэн утумнаахтык дьарыктанар. Кини үлэлэрин көрөн киһи эрэ сөҕөр-махтайар: таҥас кырадаһыныттан хайдахтаах курдук иэннээх үлэлэри оҥорон таһаарар эбитий! Лилия Данилова түүлээхтэн оҕолоругар уруккуттан иистэнэр эбит эрээри, кэлин ордук кылынан-сиэлинэн өрүүгэ охтубут. Кини сапсыыкалара, сэлээппэлэрэ, дэйбиирдэрэ, онтон да атын оҥоһуктара, оҕуруонан тиспит киэргэллэрэ хайа да быыстапкаҕа туруох курдук уратылар, кэрэлэр. Икки иистэнньэҥ нэһилиэк иһинээҕи «Көмүлүөк» эбээлэр түмсүүлэригэр киирэннэр аны дьүөгэлэрин иискэуһуйбуттар. Номнуо кэлэктиибинэн кыбытык ньыманан тикпит дириҥ ис хоһоонноох, төрөөбүт нэһилиэктэригэр анаммыт графическай истииллээх дьоһуннаах паннолаахтар. Аны туран, Риммалаах Лилия оҕуруотчут мааныларын, хаһаайка бэртэрин, общественник көхтөөхтөрүн туһунан бу бэлиэ күн мустубут дьүөгэлэрэ, аймахтара, биир дойдулаахтара бэлиэтээн эттилэр.
Бөртөлөр сылгы куттаахпыт дэнэллэр, манна өрөспүүбүлүкэҕэ биллэр сылгы собуота баар, Дьөһөгөйгө анаммыт түмэл арыллан үлэлиир. Бу түмэл арыллаатын кытта Римма Трофимова ат толору симэҕин тигэн бэлэхтээбитин түмэли салайар Парасковия Максимова махтана кэпсээтэ. Бу күн улуус култуураҕа уонна духуобунай сайдыыга салалтатын начаалынньыга Сергей Павлов дьүөгэлиилэри бастакы айар быыстапкаларынан эҕэрдэлээн туран «Хаҥалас улууһун норуотун маастара» бэлиэни үөрүүлээх быһыыга-майгыга туттарда. Дьэ мантан куорсун анньынан,Римма Трофимова уонна Лилия Данилова айар аартыктара арыллан, аны өрөспүүбүлүкэ, дойду таһымнаах быыстапкаларга эрэллээхтик хардыылыахтара, бэйэлэрин үлэлэрин киэҥ биһирэбилгэ таһаарыахтара дии саныыбын. Тоҕо диэтэр, чугас дьонноро, биир дойдулаахтара бу талба талаан дьиэ уонна нэһилиэк эрэ иһинэн куутуйаланыа суохтаах, дьон-сэргэ көрүөхтээх, билиэхтээх, ону эрэнэ күүтэбит диэн биир киһи курдук эттилэр, далбар хотуттарга сорук курдук туруордулар.
Биир дойдулаахтарын нэһилиэктэрин баһылыга Александр Алексеев, «Арчы дьиэтэ» норуот айымньытын киинин салайааччыта Лидия Харитонова, «Бөртө» дьахтар сэбиэтин салайар Татьяна Лукина, “Аан Аартык” Култуура киинин дириэктэрэ Валентина Голокова, Анна Гоголева, бу соторутааҕыта «Саха өрөспүүбүлүкэтин норуотун маастара»үрдүк ааты ылбыт Светлана Павлова уо.д.а. эҕэрдэлээтилэр. «Көмүлүөк» түмсүү кыттыылаахтара тэрээһини ылбаҕай ырыаларынан киэргэттилэр, салайааччылара Вера Македонова дьүөгэлэр ааттарыттан Эҕэрдэ сурук, бэлэх туттарда. Римма Трофимова бииргэ төрөөбүттэрэ кэлэн эҕэрдэлээтилэр, убайа Петр Саввинов баяҥҥа доҕуһуоллаан, ыллаан ааста. Олус истиҥ, сэргэх тэрээһин түмүгэр бу күн «буруйдаахтара» Арчы дьиэтигэр анаан 15 миэтэрэ уһуннаах туостан томторуктаах, ыаҕыйалаах ситии хатан бэлэхтээтилэр.
Таарыйа эттэххэ, күн бүгүн Улахан Ааҥҥа общественнай түмсүүлэр олус көхтөөхтүк үлэлии олороллор. Кинилэр түмсэллэригэр, айалларыгар-туталларыгар саха балаҕана наада диэн туруорсубуттара ыраатта. Онон, бу да күн ол баҕаларын баһылыктарыгар санаттылар. Александр Степанович бу күннэргэ Чурапчы улууһугар уопут атастаһа, чуолаан, саха балаҕанын аныгылыы тутуутун билсэ барабын, ол айан кэннэ биир сүбэнэн нэһилиэкпитигэр балаҕан тутуутун саҕалыахпыт диэн бигэтик эрэннэрдэ.
Ольга Гермогенова.
Оставить сообщение: