Рекламный баннер 990x90px bantop
Кулун тутар 29 күнүгэр, Төхтүр нэһилиэгэр, бастакытын «Хаксык» тыа хаһаайыстыбатын көҕүлээһининэн, салайааччы Саха Өрөспүүбүлүкэтин тыатын хаһаайыстыбатын үтүөлээх
03:32 01.04.2025 16+
Кулун тутар 29 күнүгэр, Төхтүр нэһилиэгэр, бастакытын «Хаксык» тыа хаһаайыстыбатын көҕүлээһининэн, салайааччы Саха Өрөспүүбүлүкэтин тыатын хаһаайыстыбатын үтүөлээх үлэһитэ Тамара Афанасьевна Осипова, "Үлэнэн сайдар - тыам сирэ!" -диэн ааттаах, күүстээх үлэ күрэҕэ нэһилиэк тэрилтэлэрин икки ардыларыгар буолан ааста. Күрэх күнүскү ыам кэмигэр саҕаланна. Уопсайа алта хамаанда, олор истэригэр Төхтүр орто оскуолата, «Киин Маркет» атыы-эргиэн киинэ, «Эркээни» култуура киинэ, «Төхтүр нэһилиэгин олохтоох дьаһалтата», «Хаксык» тыа хаһаайыстыбатын уонна нэһилиэкпит эдэр ыччаттарын хамаандата мустан үлэни өрө туттулар. Хамаандалартан бириэмэҕэ икки кэрэ аҥар ынах ыата, сэппэрээтэр хомуйда, быа баайда, ньирэй аһатта. Кыттааччылар сүөһү көрүүтүгэр сыстаҕастарынан сөхтөрдүлэр, 5 мүнүүтэҕэ саамай элбэх үүтү Людмила Петровна Желобцова ыата уонна бу көрүҥнэргэ Төхтүр орто оскуолата бастаата, ол кэннэ эр дьоннорго рулоннаах оту төкүнүтэн аҕалан быатын сүөрэн, бугуллааһын, 50 киилэлээх бурдугу сүгэн киирэн уотурбаны оҥоруу, саах баһан таһааран балбаахтааһын буолла. Хамаанда аайы иккилии эр киһи бу элбэх күүс үлэтин эрэйэр үлэни бэрт сылбырҕатык толордулар, бириэмэ иһигэр буолан ыксаан да ыллаллар бэриллибит сорудахтары сүүс бырыһыан толордулар.Ол кэннэ күрэх кыттааччыларыгар анаан эмис эттээх, сибиэһэй сүөгэйдээх, итии чэйдээх сандалы тула санаа үллэстии буолла. Күрэхпит долгутуулаах түгэнэ наҕараадалааһын алтыс миэстэттэн сазаланна, алтыс буоллулар "Хаксык" тыа хаһаайыстыбатын үлэһиттэрэ, бэһис миэстэ "Эркээни" култуура киинэ, төрдүс олохтоох дьаһалта хамаандата, үһүс "Киин Маркет" кэлэктиибэ, иккис Төхтүр орто оскуолата, бастакы миэстэ "Эдэр ыччат хамаандата" буолла. Кыттааччыларга бука барыларыгар, эҕэрдэ суруктар, "Хаксык" ТХКП уонна "Эркээни" култуура киинин ааттарыттан бэлэхтэр туттарылыннылар. Бастаабыт хамаанда көһө сылдьар кубогынан наҕараадаланна. Түмүккэ: "Эһиилги сылга өссө дьаныардаах үлэ үөрүүтүн үллэстэрбит үтүө үгэскэ кубулуйуо" - диэн «Хаксык» тыа хаһаайыстыбатын салайааччыта Тамара Афанасьевна Осипова өрө көтөҕүллэн туран кыттааччыларга эттэ. Ити курдук биир сааскы күн үтүө өйдөбүлэ буолан, нэһилиэкпитигэр урукку кэми санатан, фермаҕа үлэ күөстүү оргуйда, үрүҥ илгэ үрүлүйэ сүүрдэ, озо саас ахтылҕана барыбытын кууста, истиҥ - иһирэх үтүө күн түмүктэннэ.
Кулун тутар 29 күнэ
Дайыына
Кулун тутар 29 күнэ
Дайыына
Оставить сообщение: