Рекламный баннер 990x90px bantop
Бу дьыл алтынньы ый 25 күнүгэр 2 Малдьаҕар нэһилиэгэр “Аан-Аартык” култуура киинигэр аатырбыт ырыаһыт, дэгиттэр талааннаах киһи, устар ууну сомоҕолуур уран тыллаах
03:43 28.10.2025 16+
Бу дьыл алтынньы ый 25 күнүгэр 2 Малдьаҕар нэһилиэгэр “Аан-Аартык” култуура киинигэр аатырбыт ырыаһыт, дэгиттэр талааннаах киһи, устар ууну сомоҕолуур уран тыллаах олоҥхоһут – Платон Саввич Семенов – Ырыа Былатын төрөөбүтэ 150 сылыгар аналлаах маҥнайгы улуустааҕы норуот ырыатын күрэҕэ буолан ааста. Күрэх сүрүн сыалынан Ырыа Былатын айар үлэтин, айымньыларын үйэтитии, киэҥ эйгэҕэ таһаарыы, ону тэҥҥэ норуот уус-уран айымньытын көҕүлээһин буолар. Платон Саввич 1875 сыллаахха Арҕаа Хаҥалас улууһун 2 Малдьаҕар нэһилиэгэр күн сирин көрбүтэ. Ырыа Былатыан айылҕаттан бэриллибит талааннаах ырыаһыт, олоҥхоһут, былыргыны, үһүйээннэри билээччи. Саха литературатыгар «Ленин туһунан ырыа» диэн айымньытынан киирбитэ. П.С. Семенов ырыаһыт-импровизатор быһыытынан ордук Аҕа дойду Улуу сэриитин кэмигэр биллибитэ. Онтон ыла кини аата саха литературатыгар бигэтик киирбитэ. Сэбиэскэй былааһы уруйдуур ырыалара бэчээккэ тахсыбыттара. Төрөөбүт дойдутугар сэриигэ барааччылары атааран алгыс тылын аныыра, кыайыыга кынаттыыра. «Сэрии», «Буойуннары уруйдуубун» диэн ырыалара «Саха народнай ырыалара» диэн кинигэҕэ киирэн тураллар. 1947 сыллаахха 72 сааһыгар ССРС суруйааччыларын союһугар киирбитэ.
Ырыа күрэҕин түмүгүнэн:
(Эдэр ыччакка)
I Үрдэл – Александр Собакин – I Дьөппөн нэһ.
(Орто саастаахтарга)
I Үрдэл – Дария Захарова – Төхтүр нэһ.
II Үрдэл – “Көмүлүөк” ансаамбыл – 2 Малдьаҕар нэһ.
III Үрдэл – “Күбэйэ” ансаамбыл – Чкалов сэл.
(Аҕам саастаахтарга)
I Үрдэл – “Күбэйэ” ансаамбыл - Малдьаҕар нэһ.
II Үрдэл – “Дьүөгэ” ансаамбыл – Төхтүр нэһ.
III Үрдэл – Пухова Татьяна – 2 Малдьаҕар нэһ.
Тэрээһин түмүгүнэн I Үрдэли ылбыт “Күбэйэ” ансаамбылга П.С. Семенов уолун, сиэннэрин ааттарыттан 10.000 солк., уу харчыннан туттарылынна.
Ырыа күрэҕин түмүгүнэн:
(Эдэр ыччакка)
I Үрдэл – Александр Собакин – I Дьөппөн нэһ.
(Орто саастаахтарга)
I Үрдэл – Дария Захарова – Төхтүр нэһ.
II Үрдэл – “Көмүлүөк” ансаамбыл – 2 Малдьаҕар нэһ.
III Үрдэл – “Күбэйэ” ансаамбыл – Чкалов сэл.
(Аҕам саастаахтарга)
I Үрдэл – “Күбэйэ” ансаамбыл - Малдьаҕар нэһ.
II Үрдэл – “Дьүөгэ” ансаамбыл – Төхтүр нэһ.
III Үрдэл – Пухова Татьяна – 2 Малдьаҕар нэһ.
Тэрээһин түмүгүнэн I Үрдэли ылбыт “Күбэйэ” ансаамбылга П.С. Семенов уолун, сиэннэрин ааттарыттан 10.000 солк., уу харчыннан туттарылынна.
Оставить сообщение: