Рекламный баннер 728x90px center-top
Саха Өрөспүүбүлүкэтин судаарыстыбыннаһын күнэ
05:23
01.10.2026 16+
Саха Өрөспүүбүлүкэтин судаарыстыбыннаһын күнэ
Саха чулуулара, тумус туттар дьоно өйү- күүһү түмэн уон сэттис үйэ 70-c сылларыттан саҕалаан бэйэлэрин бырааптарын туруорсубуттара. Москубаҕа икки төгүл тиийэн, нуучча ыраахтааҕытын көрсүбүт Тыгын сиэнэ Маһары Баһыакап, Кэтириинэ ыраахтааҕыга “Сахалар тустарынан былааны” илдьэн туттарбыт Бороҕон улууһун кулубата Сэһэн Ардьакыап, Саха сирин норуоттарын уопсастыбаннай-политическай өйдөрүн-санааларын уһугуннарбыт Баһылай Никиипэрэп-Күлүмнүүр , Саха Өрөспүүбүлүкэтин тэрийбит Былатыан Ойуунускай, Максим Аммосов, Исидор Барахов, Степан Аржаков, Иван Винокуров, Алексей Широких, Илья Шадрин уо.д.а. ааттарын умнубаппыт. РСФСР иһинэн Саха АССР тэриллиэҕиттэн аптаныамыйа ыстаатыһын кэҥэтэр үлэ-хамнас утумнаахтык ыытыллыбыта. 1990 сыллаахха балаҕан ыйын 27 күнүгэр Саха АССР уон иккис ыҥырыылаах Үрдүкү Сэбиэтэ Саха Өрөспүүбүлүкэтин судаарыстыбаннай суверенитетын туһунан Декларацияны ылыммыта. Саха Өрөспүүбүлүкэтин маҥнайгы бэрэсидьиэнэ Михаил Ефимович Николаев бу Декларацияҕа тирэҕирэн дойдутун мындырдык салайбыта, саҥа саҕахтары арыйбыта. Михаил Николаев оҥорон хаалларбыт улахан хабааннаах программалара күн бүгүҥҥэ диэри ситиһиилээхтик үлэлииллэр. Республикабыт сайдыытыгар дьоһуннаах акылаат, бигэ тирэх буолаллар.
Балаҕан ыйын 25 күнүгэр А.М. Сидорова аатынан «Ситим» КК Саха Өрөспүүбүлүкэтин судаарыстыбыннаһын күнүн бэлиэтиир «Сахам сирэ мин ырыабар» киэҥ программалаах тэрээһин буолан ааста. Программа көмүс күһүн күндү бэлэҕин утары уунар атыы – эргиэн дьаарбаҥкалаах, ырыа- үҥкүү эҥэрдээх, көрдөөх оонньуулардаах тэрилиннэ. Мустубут дьону
2 Дьөппөн тыа сирин түөлбэтин баһылыга Ольга Аполлоновна Петухова эҕэрдэлээтэ уонна Култуура эйгэтигэр бэриниилээхтик үлэлээбит солбуллубат баянист быйыл 80 хаарыгар үктэммит ытыктыыр киһибит Владимир Митрофанович Артамоновка «Ханалас улууһа» Муниципальнай тэриллии баһылыга С.Г. Гребнев Махтал суругун, өр сылларга култуура эйгэтигэр үлэлээбит Сусана Владимировна Филипповаҕа Хаҥалас улууһун Култууратын Бочуотунай грамотатын туттарда.
Бу күн өссө биир туспа бэлиэлээх буолла, ол курдук СӨ судаарыстыбаннай бюджетыттан култуура сайдыытын өйүүр «Государственная поддержка лучших сельских учреждений культуры» күрэх кыайыылааҕа буолан 1 800 000 сууммалаах субсидия көрүллэн, 482,6 мм*44,0 мм* 262,0 мм кээмэйдээх “Touchsib” светодиод экран турда. Бу күн күөх уоттаах экраҥҥа Сахабыт сирин, Ханалас сирин киэн тутта кэпсиир клиптэрэ көһүннүлэр. Олохтоохтор ытыс тыаһынан биһирэбиллэрин биллэрдилэр. Сүргэлэрэ көтөҕүллүбүт көрөөччүлэрбит көрдөөх оонньууларга, музыкальнай лотоҕо кытыннылар.
Республикабыт сайдарын туһугар үлэбит-хамнаспыт үтүө түмүктэрдээх, киэҥ ситиһиилэрдээх буоллун! Инникитин даҕаны үүнэ-чэчирии турдун! Хас биирдии дьиэ-кэргэҥҥэ таптал уйаланнын. Чэгиэн доруобуйа, ил-эйэ эрэ эҥэрдэстин!
Саргылана Федорова
«Ситим» КК дириэктэрэ
Саха чулуулара, тумус туттар дьоно өйү- күүһү түмэн уон сэттис үйэ 70-c сылларыттан саҕалаан бэйэлэрин бырааптарын туруорсубуттара. Москубаҕа икки төгүл тиийэн, нуучча ыраахтааҕытын көрсүбүт Тыгын сиэнэ Маһары Баһыакап, Кэтириинэ ыраахтааҕыга “Сахалар тустарынан былааны” илдьэн туттарбыт Бороҕон улууһун кулубата Сэһэн Ардьакыап, Саха сирин норуоттарын уопсастыбаннай-политическай өйдөрүн-санааларын уһугуннарбыт Баһылай Никиипэрэп-Күлүмнүүр , Саха Өрөспүүбүлүкэтин тэрийбит Былатыан Ойуунускай, Максим Аммосов, Исидор Барахов, Степан Аржаков, Иван Винокуров, Алексей Широких, Илья Шадрин уо.д.а. ааттарын умнубаппыт. РСФСР иһинэн Саха АССР тэриллиэҕиттэн аптаныамыйа ыстаатыһын кэҥэтэр үлэ-хамнас утумнаахтык ыытыллыбыта. 1990 сыллаахха балаҕан ыйын 27 күнүгэр Саха АССР уон иккис ыҥырыылаах Үрдүкү Сэбиэтэ Саха Өрөспүүбүлүкэтин судаарыстыбаннай суверенитетын туһунан Декларацияны ылыммыта. Саха Өрөспүүбүлүкэтин маҥнайгы бэрэсидьиэнэ Михаил Ефимович Николаев бу Декларацияҕа тирэҕирэн дойдутун мындырдык салайбыта, саҥа саҕахтары арыйбыта. Михаил Николаев оҥорон хаалларбыт улахан хабааннаах программалара күн бүгүҥҥэ диэри ситиһиилээхтик үлэлииллэр. Республикабыт сайдыытыгар дьоһуннаах акылаат, бигэ тирэх буолаллар.
Балаҕан ыйын 25 күнүгэр А.М. Сидорова аатынан «Ситим» КК Саха Өрөспүүбүлүкэтин судаарыстыбыннаһын күнүн бэлиэтиир «Сахам сирэ мин ырыабар» киэҥ программалаах тэрээһин буолан ааста. Программа көмүс күһүн күндү бэлэҕин утары уунар атыы – эргиэн дьаарбаҥкалаах, ырыа- үҥкүү эҥэрдээх, көрдөөх оонньуулардаах тэрилиннэ. Мустубут дьону
2 Дьөппөн тыа сирин түөлбэтин баһылыга Ольга Аполлоновна Петухова эҕэрдэлээтэ уонна Култуура эйгэтигэр бэриниилээхтик үлэлээбит солбуллубат баянист быйыл 80 хаарыгар үктэммит ытыктыыр киһибит Владимир Митрофанович Артамоновка «Ханалас улууһа» Муниципальнай тэриллии баһылыга С.Г. Гребнев Махтал суругун, өр сылларга култуура эйгэтигэр үлэлээбит Сусана Владимировна Филипповаҕа Хаҥалас улууһун Култууратын Бочуотунай грамотатын туттарда.
Бу күн өссө биир туспа бэлиэлээх буолла, ол курдук СӨ судаарыстыбаннай бюджетыттан култуура сайдыытын өйүүр «Государственная поддержка лучших сельских учреждений культуры» күрэх кыайыылааҕа буолан 1 800 000 сууммалаах субсидия көрүллэн, 482,6 мм*44,0 мм* 262,0 мм кээмэйдээх “Touchsib” светодиод экран турда. Бу күн күөх уоттаах экраҥҥа Сахабыт сирин, Ханалас сирин киэн тутта кэпсиир клиптэрэ көһүннүлэр. Олохтоохтор ытыс тыаһынан биһирэбиллэрин биллэрдилэр. Сүргэлэрэ көтөҕүллүбүт көрөөччүлэрбит көрдөөх оонньууларга, музыкальнай лотоҕо кытыннылар.
Республикабыт сайдарын туһугар үлэбит-хамнаспыт үтүө түмүктэрдээх, киэҥ ситиһиилэрдээх буоллун! Инникитин даҕаны үүнэ-чэчирии турдун! Хас биирдии дьиэ-кэргэҥҥэ таптал уйаланнын. Чэгиэн доруобуйа, ил-эйэ эрэ эҥэрдэстин!
Саргылана Федорова
«Ситим» КК дириэктэрэ
Оставить сообщение: