Рекламный баннер 728x90px center-top
Аан дойдуга аҕа саастаахтар күннэрин чэрчитинэн «1 Дьөппөн» нэһилиэгэр М
11:11
26.10.2026 16+
Аан дойдуга аҕа саастаахтар күннэрин чэрчитинэн «1 Дьөппөн» нэһилиэгэр М. С. Атласов аатынан «Сарыал» култуура киинигэр «Чөл олох -олохпут оҥкула» мини спартакиада буолан ааста. Манна Самыртай сыһыытын нэһилиэктэрин Хачыкаат, 2 Дьөппөн, 1 Дьөппөн холбоһуктаах хамаандалара кыттыыны ыллылар. Тэрээһин иккис сылын ыытылынна, онон үтүө үгэс олохтонно. Хамаандалар корнхол, дарст, хабылык, хаамыска, дуобат, саахымат, ырыа, көрдөөх сценка, флешмоб үҥкүү уонна көрдөөх стартар көрүҥнэринэн күрэхтэстилэр. Күрэҕи 1 Дьөппөн дьонун -сэргэтин бары спортивнай күрэхтэргэ көҕүлээччи Очир Очиржапов сүрүн судья, И. С. Афанасьев, О. Е. Власенко, В. М. Ильина дьүүллээтилэр. Бары көрүҥнэргэ көхтөөхтүк бэлэмнэнэн уонна бастыҥ хаачыстыбаны хабылыкка, хаамыскаҕа, дартска, көрдөөх стартка көрдөрбүппүтүнэн» Көхтөөх Күөрдэмнэр» бастаатыбыт. 2 миэстэ 1 Дьөппөннөр, 3 миэстэ Хачыкаат нэһилиэгэ буолла. Бастыҥ көрдөрүүнү Иван Алексеевич Алексеев, Надежда Илларионовна Платонова хабылыкка, хаамыскаҕа, Наталья Никифоровна Прокопьева дартска ситистилэр. Хамаанданы бэтэрээннэр сүбэлэрин салайааччыта Николай Николаевич Ефимов табыгастаахтык салайан, иккис сылын бастыыры ситистилэр. Тэрийээччилэргэ, дьүүллүүр сүбэҕэ, бары кыттыбыт хамаандаларга махтал буоллун. Доруобуйаны, чөл туругу, дьолу-соргуну баҕарабыт.
Саргылана Федорова,
А.М.Сидорова аатынан «Ситим» КК дириэктэрэ
Саргылана Федорова,
А.М.Сидорова аатынан «Ситим» КК дириэктэрэ
Оставить сообщение: