Рекламный баннер 728x90px center-top
Көмүс күһүн барахсан алтан сэбирдэҕин тамнааттаан, көмүс кыымынан ыһыахтанан эргиллэн кэлэ оҕуста
10:59
26.10.2026 16+
Көмүс күһүн барахсан алтан сэбирдэҕин тамнааттаан, көмүс кыымынан ыһыахтанан эргиллэн кэлэ оҕуста. Нэһилиэк чуумпуран турбут, иһийэ быһыытыйбыт олоҕун биир сарсыарда уопсай сүөһү маҕырааһына, ньирэй бэрилээһинэ толоро оҕуста. Ахтыбыт санааҕа, ийэҥ барахсан ынах ыыр солуурчаҕын тоҥолохтоммутунан тиэтэйэн иһэрэ, аҕаҥ ынахтарын хаайа охсоору күрүөтүн аанын төлөрүтэ охсоро көстөн кэлэргэ дылы. Элбэх ынах маҕырыырын билиҥҥи кэмҥэ мээнэ истибэккин. Онтон биһиэхэ, Дьөппөҥҥө ол баар. Онтон олус астына, дьоллоно түһэҕин.
Биһиги, А.М. Сидорова аатынан «Ситим» КК үлэһиттэрэ эрдэттэн үлэһэн, үрүҥ илгэни дэлэтэр дьоммутун кытта сэргэстэһэ олорон, олох- дьаһах туһунан кэпсэтээри тиийдибит. « Октябрь 50 сыла сопхуос» ТХПК улахан дьиэтигэр сарсыарда эрдэ мотуор үлэлиир, ыанньыксыттар сүөһүлэрин аһата охсоот, ынахтарын ыы сылдьар кэмнэрин баттаһа киирдибит.
Хотон- үүт-ас үрүлүйэр, эт ас төлөһүйэр ураты эйгэлээх. Ол иһин да буолуо, манна чуумпу күүстээх үлэ анаммыт бэрээдэгинэн барар уонна бэйэ-бэйэтиттэн ситимнэнэн, ситэриллэр- хоторуллар. Ким эрэ ынах сааҕын күрдьэр, үүт таһар, ынах ыыр, күкүүрүн бэрийэр. Биһиги старшай ыанньыксыт, СӨ тыатын хаһаайыстыбатын туйгуна, үлэ бэтэрээнэ Людмила Илларионовна Винокурованы көрсөн кэпсэттибит. Людмила Илларионовна хомсомуол путевкатынан «Октябрь 50 сыла”сопхуоска ыанньыксытынан анаммыта. Сопхуос дириэктэрин уонна парткомун көрдөһүүтүнэн салгыы «Чолбон» фермаҕа старшай ыанньыксытынан хаалбыта. Үрдүк ыамы ылан Москубанан, Украинанан күүлэйдээн кээлтэ. Эдэр лидер Людмила ыччаты түмэр, сирдиир уонна үлэтигэр бэриниилээх, кыайыгас буолан, салгыы сопхуоһун туругурда хаалан үлэлээбитэ. Кэргэн тахсан, дьиэ – уот, оҕо – уруу тэринэн хаһаайка, ийэ буолбута. Уонна сөбүлүүр үлэтиттэн тэйбэккэ, кэргэнинээн Михаил Васильевтыын, кэтэх хаһаайыстыба тэринэн үрүҥ илгэни дэлэтэргэ туруммута. Оҕолор улаатан, олох айар суолун туппуттара. Людмила Илларионовна кэтэх хаһаайыстыбатын тохтотон, саҥа тэриллибит тыа хаһаайыстыбатын кооперативыгар үлэлии киирбитэ. Тихон Николаевич Скрябин салалтатынан саҥа хотон тутуллан, эбии ыанар ынах атыылаһыллан коллектив кэҥээбитэ. Сылтан сыл саҥа технологиялар киирэн, үлэ усулуобуйата тупсан иһэр. Людмила Илларионовна үлэттэн чаҕыйбат, сүөһүнү иитиинэн утумнаахтык дьарыктанар. Коллективын сайылыгынан, кыстыгынан салайан илдьэ сылдьар. Ити курдук дьоҕус коллектив тэбис-тэҥҥэ үлэни үмүрүтэн, чэйдиир хоско мустан кэпсэтиибитин салҕаатыбыт. Салгыы бу сырыыбыт туһунан https://clck.ru/3WgzDH подкаспытыгар видеосустууларбытын билсээриҥ.
Саргылана Федорова
Биһиги, А.М. Сидорова аатынан «Ситим» КК үлэһиттэрэ эрдэттэн үлэһэн, үрүҥ илгэни дэлэтэр дьоммутун кытта сэргэстэһэ олорон, олох- дьаһах туһунан кэпсэтээри тиийдибит. « Октябрь 50 сыла сопхуос» ТХПК улахан дьиэтигэр сарсыарда эрдэ мотуор үлэлиир, ыанньыксыттар сүөһүлэрин аһата охсоот, ынахтарын ыы сылдьар кэмнэрин баттаһа киирдибит.
Хотон- үүт-ас үрүлүйэр, эт ас төлөһүйэр ураты эйгэлээх. Ол иһин да буолуо, манна чуумпу күүстээх үлэ анаммыт бэрээдэгинэн барар уонна бэйэ-бэйэтиттэн ситимнэнэн, ситэриллэр- хоторуллар. Ким эрэ ынах сааҕын күрдьэр, үүт таһар, ынах ыыр, күкүүрүн бэрийэр. Биһиги старшай ыанньыксыт, СӨ тыатын хаһаайыстыбатын туйгуна, үлэ бэтэрээнэ Людмила Илларионовна Винокурованы көрсөн кэпсэттибит. Людмила Илларионовна хомсомуол путевкатынан «Октябрь 50 сыла”сопхуоска ыанньыксытынан анаммыта. Сопхуос дириэктэрин уонна парткомун көрдөһүүтүнэн салгыы «Чолбон» фермаҕа старшай ыанньыксытынан хаалбыта. Үрдүк ыамы ылан Москубанан, Украинанан күүлэйдээн кээлтэ. Эдэр лидер Людмила ыччаты түмэр, сирдиир уонна үлэтигэр бэриниилээх, кыайыгас буолан, салгыы сопхуоһун туругурда хаалан үлэлээбитэ. Кэргэн тахсан, дьиэ – уот, оҕо – уруу тэринэн хаһаайка, ийэ буолбута. Уонна сөбүлүүр үлэтиттэн тэйбэккэ, кэргэнинээн Михаил Васильевтыын, кэтэх хаһаайыстыба тэринэн үрүҥ илгэни дэлэтэргэ туруммута. Оҕолор улаатан, олох айар суолун туппуттара. Людмила Илларионовна кэтэх хаһаайыстыбатын тохтотон, саҥа тэриллибит тыа хаһаайыстыбатын кооперативыгар үлэлии киирбитэ. Тихон Николаевич Скрябин салалтатынан саҥа хотон тутуллан, эбии ыанар ынах атыылаһыллан коллектив кэҥээбитэ. Сылтан сыл саҥа технологиялар киирэн, үлэ усулуобуйата тупсан иһэр. Людмила Илларионовна үлэттэн чаҕыйбат, сүөһүнү иитиинэн утумнаахтык дьарыктанар. Коллективын сайылыгынан, кыстыгынан салайан илдьэ сылдьар. Ити курдук дьоҕус коллектив тэбис-тэҥҥэ үлэни үмүрүтэн, чэйдиир хоско мустан кэпсэтиибитин салҕаатыбыт. Салгыы бу сырыыбыт туһунан https://clck.ru/3WgzDH подкаспытыгар видеосустууларбытын билсээриҥ.
Саргылана Федорова
Оставить сообщение: